1941-1945 жж. ҰОС-ның ардагері С.Какимовке арналған электронды көрме (08.04.2015)
Мұрағаттың сайтында 1941-1945 жж ҰОС-на қатысушылар мен ардагерлердің жеке тектік құжаттары бойынша құжаттар жарияланымы жалғасуда. Сіздің назарыңызға соғыс ардагері Серік Сәрсенбиұлы Кәкімовтың құжаттары мен суреттері ұсынылады.
Какимов Серік Сәрсенбіұлы 1919 жылы Жымпиты ауданы Көздіқара селолық советі Ақкөл елді мекенінде дүниеге келген.
1938 жылы жеті жылдық Бұлдырты орта мектебін бітірді. 1939 жылы Орал қаласында гидромелиоративтік техникумын оқып жүргенде, осы жылғы қыркүйек айында әскерге шақырылады.
Әскери борышын 1941 жылға дейін Чита облысында өтеді. Елге қайтамын деп тұрған кезеңде соғыс басталып, Отан қорғау үшін майданға аттанады.
Далалық №18669 әскери бөлімшесінде шайқастарға қатысып, соғыс аяқталғанша елімізді фашистерден азат етуге ерлікпен үлес қосты. Жеңіс күнін Берлин қаласында қарсы алды.
