«АСТАНА—ҚАЗАҚСТАННЫҢ САЯСИ ЕРІК-ЖІГЕРІНІҢ НЫШАНЫ» атты көрме (02.07.2015)
Батыс Қазақстан облысының мемлекеттік мұрағатында 6 шілде «Астана күніне» орай ағымдағы жылдың 3 шілдесінде Президент мұрағаты мен облыстық мұрағаттың құжаттарынан және «Жайық Пресс» ЖШС-нің фотосуреттерінен жинақталған «Астана – Қазақстанның саяси ерік-жігерінің нышаны» атты көрме өтеді.
Мұрағаттық қор құжаттары бойынша Елбасының елорданы көшіру туралы және тағы басқа жарлықтары, Ақжайық өңіріне келіп, тұрғындармен жүздесу сәті, тәуелсіздік алған жылдан бері облыстың дамуы туралы тарихи құжаттар көрермен назарына ұсынылды.
Аталған көрме «Мәңгілік ел» идеясын насихаттап, қазақстандық патриотизмді дамытатын болады.
