Конференцияға қатысу (09.10.2015)

2015 жылдың 9 қазанында Алматы қаласында өткен «Туран» Университеті мен «KazRENA» Қазақстан ғылыми-білім компьютерлік желі пайдаланушылары Ассоциациясы Қазақстан Республикасы Президенті мұрағатымен бірлесіп, «Білім мен басқару саласындағы қазіргі заманғы ақпараттық-коммуникациялық технологиялар: жағдайы мен даму келешегі» атты халықаралық ғылыми-практикалық конференцияға Батыс Қазақстан облысының мемлекеттік мұрағатының директоры Айжан Нұрғалиқызы Савгабаева қатысып, баяндама жасады.

Баяндама тақырыбы – Батыс Қазақстан облысы мұрағатында электронды мәліметтер қорын енгізу, Ұлттық мұрағат қоры құжаттарын ұсынудағы жаңа әдістер мен көпшілікке таратудағы қазіргі заманның құралдарын қолдану тәжірибесі туралы.

БҚО мұрағаты басшысының баяндамасы қатысушылардың көңілдерінен шығып, облыстық мұрағатта іске асырылып келетін электрондық мәліметтер қорын енгізу мен мұрағат қоры құжаттарын көпшілікке таратудағы қазіргі заманның құралдарын қолдану жұмыстары конференция қатысушылары мен қонақтары тарапынан ерекше аталып өтті, мұрағат веб-сайтының жұмысына үлкен қызығушылық білдірілді және оның қызметіне жоғары баға берілді.

Сонымен қатар, іссапар барысында мұрағат директоры ҚР Президенті мұрағатының жұмысымен танысып өтті.