Дәрігер-эпидемиолог Александр Генкенің туғанына 150 жыл толу құрметіне жеке тектік қорына жататын құжаттар тізімі(22.05.2017)
Дәрігер-эпидемиолог Александр Генкенің туғанына 150 жыл толу құрметіне Сізге оның өмірі мен қызметіне қатысты құжаттардың электрондық көрмесін ұсынамыз.
Генке Александр Васильевич 1867 жылғы 1 сәуірде дүниеге келді. Ұлты - орыс. Кәсіби дәрігер. 35 жыл өтілі бар медицина докторы. Партияда жоқ.
1877 жылғы 29 маусымда дүниеге келген Александра Ивановна Мироновичқа үйленген.
Екеуі де 1902 жылы қазан айында С.Петербургтегі Императорлық эксперименттік медицина институтын бітірді. 1903 жылғы 1 маусымда некеге тұрды.
Үш баласы болды:
Борис – 1904 жылғы 23 маусымда дүниеге келді. 1925 ж. опат болды.
Виктор – 1907 жылғы 21 маусымда дүниеге келді. Мұғалім, жазушы болды. 1963 жылғы 6 наурызда қайтыс болды.
Бористың қазасынан кейін 1925 жылғы 12 шілдеде оның ұлы Евгений дүниеге келді.
Александр Васильевич және Александра Ивановна оны өздерінің бауырына басып алды.
Александр Васильевич 1943 жылы қайтыс болды.
Александра Ивановна 1953 жылы қайтыс болды.
Осы көрмені дайындау барысында негізгі дереккөз ретінде «Батыс Қазақстан облысының мемлекеттік архиві» КММ-дегі №П-530 қорындағы Александр Генкенің жеке ісіндегі құжаттары пайдаланылды.
Көрменің негізгі мақсаты: Дәрігер-эпидемиолог Александр Васильевич Генкенің туғанына 150 жылтолуынаорай өмірбаяны мен еңбек жолын оқырман қауымға таныстыру.
Міндеттері:
- өлке тарихын зерттеудің дереккөзі ретінде архивтік құжаттарды ұсыну;
- Жерлесіміз Генке А. өмірбаянымен таныстыру;
- өлке тарихына құрмет сезімін қалыптастыру.
Мемлекеттік архивке сақтауға 6 сақтау бірлігінен құралған жеке тектік құжаттары қабылданды. Олардың құрамында өмірбаян, жеке құжаттары, туу туралы куәлік, Императорлық институтты бітіргендігі туралы куәлік, аттестат, қызмет туралы тізім, куәліктер, құттықтау ашықхаттары, диссертация, А.Генкенің еңбек қызметі туралы мақалалар, фотосуреттер.
